開始回魂 - 外星人給良朋的信

致最愛的咬手指人(&手指):

近日因忙於練武
無閒問候你的手指近況

手指們好嗎
拇指食指中指無名指尾指
你們還健在嗎
每晚於夢中聽到你們的悲鳴
血肉模糊的向我哀訴...
人們說夢是現實的一面鏡
嘈嘈心裡千萬個祈求這是真的
希望我們再會之時
你們不會向我投訴咬指人的牙有多鋒利...

掛心到徹夜難眠的嘈嘈上

致親愛的大波惠琪:

從博客中得知你近況得悉
你事業愛情友情皆滿意
還有一連串節目等著你
渺小的我都算老懷安慰
我想這陣子想見你都頗難
可以的話 請告知我排幾號籌方能一睹芳容
唯令嘈嘈掛心的是
泰國真的有鬼!!!
更糟的是 全是喜歡波波的咸濕鬼
大波波危矣~~~
祈求黑雨之神遠離你

你的朋友 - 平胸聯盟主席嘈嘈上

致親愛的蜥蝪仔:

自別府一別後
姐姐非常掛念
你那傻傻的蜥蝪笑令姐姐非常窩心
希望待業這兩個字不會奪去你的笑容
願受聘之神與你同在

在弱智兒童中心做義工的嘈嘈姐姐上

Sorry...everybody

本人近日舊病復發

正式學名為: 先天性魂遊太虛妄想燥狂症

發病時會嚴重陰陽失調唔知自己做緊咩

對任何事情失去興趣閒時會自閉一番

妄想全人類都想撩架打等症狀

注意!! 患者有極度攻擊性非常想鬧人

意圖接近後果不堪設想...

故在暫時性元神歸位時向各朋友們致歉

本人正往少林寺出發尋覓逆筋經以根治惡患希

望在不久將來回復元氣以正常D既狀態出現

miss u all....see u later

cheese cake night

延續星期六睇完妄想
之後就係每週重頭戲肥到你死cheese cake night
呢個瘋狂行動持續近一年
橫掃銅記尖記 cafe 雖無數
亦偶有翻 doub

翻抄cafe 名為dream on cafe
繼上次幻聽 waiter 非常貼心咁送上超勁大份雞肉三文治...
俾飽到面都青埋既兩位當事人後
今次雖則幻聽小子巳經消失
但有樣衰版權相佑繼承佢衣缽
送上 1 : 99 "鮮搾" 西柚汁一杯...
即一份西柚汁加九十九份水
係我有生以嚟都未見過咁Q 離譜既街外飲品
相信當我飲第一啖時表情非常樣衰
老闆為免引起其他顧客情緒不安
主動咁走埋黎垂詢

老闆 :
今日我地 D 西柚係苦左, 不過我地冇溝水架,
你飲番西柚汁都係一樣架...不如你轉飲其他野
我話 :
換唔換都唔係問題, 我想研究下你地 D 西柚,
可唔可以俾一個我拎番屋企..........
老闆 : ...................

最終我都係無緣見到呢個極品西柚...
點解?? 點解咁狠心唔俾我~~~

Diary

星期六晚去皇室堡睇妄想
自從鬼域令左野後對彭氏兄弟一直有保留
最怕佢時常出個招 : 結局會好出人意表...喎
仲記得上次睇鬼域優先場還特意叮囑全人類 : 結局不得外洩
結果...又有幾特別
你估套套都係鬼眼咩

所以今次主菜係余文樂
在沒有期待既心態下睇
整體效果卻出奇地好
不過彭氏又一次當觀眾係弱智
每個位都解釋得清清楚楚慌死你唔明
在場各精神分裂觀眾定會心裡竊笑....
彭氏兄弟
相信觀眾的智慧吧!!

What else?

因有大波少婦來信投訴本人 xanga 字粒太細
現巳由 size 1 改為 size 2
望此舉能令波濤唔好咁洶湧....

Miss Little Sunshine

星期四在 AMC 欣賞陽光小小姐
一套低成本製作但被 fox searchlight 高價收購的美國電影
很喜歡電影公司直譯其名
看過戲後自然發出會心微笑
活潑可愛的妹豬
永不言敗的爸爸
激到你死的爺爺
重視家庭的媽媽
自戀自殘的攣 uncle加上套戲做左一大半都未出過一粒聲的哥哥
戲中每個角色都入形入格各具特色
難怪在美叫好又叫座
推介!!!

Hazard of potato chip

事發日期: 二零零六年十月二十一日 (星期六)
出事時間: 晚上七時四十分至八時四十五分
案發地點: 銅鑼灣 JP 2院 座位 D11-D13
涉案疑犯: May (潛逃中)
犯案凶器: M&S 鹽醋波浪薯片(約120克)
目擊證人: 安妮
受害者: 咪嘈 (仍在生)

案發經過:
於當晚上述人物相約於 jp 電影院看 Black Dahlia
案發前疑犯曾致電受害者詢問關於上次品嚐過的薯片口味
受害者含糊答之只希望疑犯不要再次遲到
約七時三十分電影開場十分鐘後疑犯手持 M&S 紙袋匆忙趕至
入場後二人於黑暗中尋找座位 D12 及 D13
安頓後十分鐘疑犯靜悄悄地拆開手中凶器
凶器於漆黑中暗泛藍光
受害者不疑有他於觀賞電影時不停進食
其間目擊證人吃過一片後拒絕再吃
而疑犯亦沒有勸諭受害者停止
未幾受害者感覺咀角剌痛發熱
完場後檢視發現右咀角巳經腫過一條煮熟後的芝士腸

翌日受害者頭部劇痛雙眼紅腫
全身發冷發熱擬有中薯片毒跡象
經專業醫生冬兒診斷證實受害者患有後現代痴呆暴食薯片後遺症
經搶救後於家中深切治療部休養 情況欠佳
主診醫生話: 我地巳經盡哂力..之後要靠佢本人既意志力....

受害者氣若浮絲逃離深切治療病房於就近警局報案
經重案組羅警司分析出犯案動機:
疑犯與受害者原訂於星期日出席藍澄灣大閘蟹週年研討會
因疑犯只預訂三隻大閘蟹
如二人同時出席會出現分贓不均的情況
於是疑犯暗下殺機以一包薯片做餌成功誘得白痴受害人...

現警方懸紅六千五佰萬未中六合彩一張
追捕一名身高約五尺八短髮埃塞俄比亞藉女子
案發時身穿黃色背心短褲黑色長 Boot
如發現請即聯絡羅定偉警司
早日將凶徒緝拿歸案

p.s. 如有人由頭至尾一字不漏看完上述案件
請到就近醫院作腦部掃瞄
或致電1083詢問青山精神病院電話自行入院
多謝合作

今日晏晝同 ft 在 sidewalk 食飯
其實大家都唔肚餓
但有d 野實在不吐不快
要搵 d 渠道發洩一下

錢洗左唔緊要可以搵得番
但面子冇左以後點出黎行??
小柴你有野唔識唔該直講
唔好死充扮哂野好唔好
你 pat 屎巳經好臭 仲要人地同你執架啦
仲要係度高姿態用丹田講好鬼忙又咁又咁
咁得閒講野唔該用呢 d 時間做 d 有建設性既野
或講野既同時可以用埋對手
唔係柏金遜既人相信可以做到
我記得員工紀錄冇一個係殘障人士
d 野巳經有大部份過哂我地度 又有幾忙呀?
忙係因為冇料 唔該番柴房抖下唔好搞破壞阻住哂!

!未有 budget, action plan 先搞 function?? 冇聽過
未諗 job allocation 先開會?? 冇咁大膽
所有野未 confirm 巳經over budget ?? 冇試過
一個 dresser 要 $700?!!! 冇搵過 (我搵個 d 唔使錢 wor)
離 function 剩低兩個禮拜時間只 confirm 得一個那媽星?? 冇想像過

巳經倒緊錢落海俾人當水魚唔該唔好同我講outbud 唔好用colorprint 要成~~ 一蚊張
因為你牙力唔夠所浪費既金錢係以~~ 十萬計呀小柴
你心口有個勇字但額頭有個蠢字 搵人陪你死唔該行遠 d 搵你d 廢柴friend 啦
PR wor, 你話你
真係好掂 佩服哂

Back to 70/80's?!

oh my god ~~~~
點解可以搵麟伯呢類出土文物?
想像唔到佢會著邊件衫
fashion show = 歷史博物展覽 ???
個日我可唔可以唔去呀

放 . 逐

星期二晚看"放 . 逐"的首映
完場時方發覺雙臂毛管豎起
若在場見到杜琪峰的話我會即時跪拜
誰說香港沒有好電影?

世貿中心...

星期一在銅鑼灣 JP 看傳媒場
自 Face Off 之後巳對 Nicolas Cage 主演的電影沒多大興趣
只可奉勸一句 :
有期待者勿看

沒有改變的一天

如常工作
心如止水
無喜無哀無嗔
可喜?

今天與久違了的 maymay 去睇毒蛇客機 -- 一套睇時緊張但睇完沒有印象的電影... 完場後到了一間殘破不堪的茶餐廳, 開始一貫的密集式對話, 由友人的說話處事態度瑣碎細節至英語讀音及至自己的生活態度心路歷程, 無所不談, 仿似要填補之前的疏離感. 疏遠她並不是因為有任何事情發生, 而是覺得我的存在會使她有某一程度的依賴 -- 即使全世界否定的觀點都會有我認同. 縱使事實如此, 但我覺得大家巳沒有時間去空想, 她, 是過份了. 人, 是需要及懂得控制. 想得太多也有一定壞處. 保持一段距離對大家都有好處.
談及人生的敗筆, 就是欠缺熱情. 如果對某一興趣有一份狂熱, 想必會有不一樣的際遇. 就是欠缺了這份熱情造就了今天的我和你.

難得的假期, 並沒有出外狂歡, 反而留守家中重新整理 -- 我想無論是房間或是身心, 都須要有一個新的出發點吧!